Narator: Horas jala Syalom di hamu damang nang dainang ro di sude hamu angka dongan. Sude do hita tontu mananda silang. Silang i hian ma hira panguhuman hamatean na paling kejam tu halak na jahat. Alai silang i do na tinaon ni sada Jolma na so marmurmur jala na so mardosa, na margoar Jesus Kristus.
Hape, dung ro Ibana tu luat portibi on holan laho mamparhitehon holong, ndang tajangkon Ibana, gariada tahe ala ni dosanta do umbahen na ingkon mate Ibana tarpajal di hau pinarsilang i. Ala ni i, damang dohot dainang, di na laho mamuhai marningot pardalanan ni holong ni Jesus on, asa ma nian hita mangihutonon dibagasan na hohom jala mangarimangi parningotan on marhite haporseaon.
(Ruas marende sian BE. No. 223:1-2 "Kuasa-Mu Yesus" / Berdoa)
ADEGAN I: TAMAN GETSEMANI
Narator: Dung dapot ma tingkina, laho ma Jesus dohot angka sisean-Na tu porlak na margoar Getsemani laho martangiang.
(Yesus mardalan rap dohot angka sisean)
Yesus: (Dung sahat nasida tu porlak i) “Hundul ma hamu dison, tagan martangiang Ahu. Dison ma hamu jala marjaga-jaga ma hamu.”
(Jesus manogihon si Petrus, Jakobus, dohot Johannes. Dung i mamungka ma Ibana marsak jala bobonosan).
Yesus: “Mansai marsak do rohangku, hira na mate do. Dison ma hamu mian jala dungo!”
Narator: Dung i laho ma Ibana tu jolo saotik, dipatungkap ma dirina tu tano martangiang, anggiat molo tarbahen disalpuhon tingki i sian Ibana.
Yesus: “Ale Amang, saluhutna do tarpatupa Ho! Salpuhon ma siinumon on sian Ahu! Alai ndada guru lomo ni rohangku, roham do!”
Narator: Dung i di na ro Ibana, modom do angka sisean i didapot.
(Jesus manjumpangi sisean-Na na modom i)
Yesus: “Datdatanmuna dope modom dohot maradian? Sae ma i! Nunga dapot tingkina! Ida hamu, pasahatonna ma Anak ni jolma i tu tangan ni angka pardosa!”
Narator: Ale porlak Getsemani, ho do na mangida Jesus i, pola do marilu mudar diida ho Jesus i, na mandok ai ndada guru di Ibana, alai saguru di lomo ni roha ni Ama-Na do hape.
ADEGAN II: YESUS DITANGKAP
Narator: Nunga dapot be arina jala nunga ro be angka na laho manangkup Jesus.
(Yudas bongot mardongan angka serdadu dohot sibotosurat)
Yudas: “Guru!” (Mambuat podang/lombut-lombut jala mangumma Jesus)
Yesus: “O Yudas, pangummaon do hape dibahen ho pasahathon Anak ni jolma i?”
Sisean 1: “Tuhan, tampulhononnami ma podang i?”
Petrus: (Pintor manampul naposo ni sintua ni malim, digotap pinggolna siamun)
Yesus: “Sae ma i!”
(Jesus menjama pinggol ni naposo i jala dipamalum).
Yesus: (Adopan ni angka sigomgom joro dohot angka panungganei) “Hira dompak halak panamun hamu ro mantat podang dohot lombut-lombut laho manangkup Ahu? Ari-ari do Ahu rap dohot hamu di joro i, ndang dung dilaluhon hamu tanganmuna dompak Ahu. Alai on do tingkimuna dohot huaso ni haholomon i!”
Serdadu: “Tangkup Ibana!”
(Serdadu mambuat jala mangaramas Jesus tu jolo ni bagas ni Sintua ni Malim).
Narator: Ale Judas, holan marhite pangummaonmu ma hape pasahatonmu Jesus i tu hamatean? Husungkun ma ho Judas, sadia ma nian tuhor ni Jesus i gabe bahenonmu Ibana tu parjagalan? Pola ma gabe tading-tadingan hasetieonmu ala ni arta? Hape dongan jala sisean ni Jesus do ho nian hian.
ADEGAN III: YESUS DI HADAPAN MAHKAMAH AGAMA
Narator: Asa dung ditangkup nasida Jesus, ditogihon ma Ibana tu jolo ni Sintua ni Malim si Kayapas, ai nunga pungu disi angka sibotosurat ro di pangituai. Alai mangihut do si Petrus madaodao sahat tu alaman ni sintua ni malim i laho marnida ujungna.
Dung tiur ni ari, dipahundul ma Jesus di jolo ni bagas ni angka sintua ni malim, disi ma Ibana direhei, ditijuri, jala dipastap angka serdadu. Di si do masai hasetieon ni si Petrus diuji, jala songon naung didok Jesus, tolu hali do soadahononna Ibana.
Jahudi 1: “Dohot do ho dongan ni Jesus na sian Nasaret i!”
Petrus: “Ndang huantusi na nidokmi, amang!” (Menghindar)
Jahudi 2: “On do sada sian nasida!”
Petrus: “Ndang na tutu i, amang!” (Menghindar)
Jahudi 3: “Ah, tongon do, dongan nasida do ho, ai halak Galilea do ho!”
Petrus: “Ndang hutanda Jolma i!”
(Jesus mandompakkon bohi-Na tu si Petrus. Pintor marlojong ma si Petrus tu luar jala tumatangis tangis na parir).
Narator: Ida ma ale Petrus bohi ni Jesus i! Songon naung nidok-Na i, tolu hali ma soadahononmu Ibana tagan so martahuak dope manuk. Ise ma ho nuaeng ale sisean? Didia ma ho ale na mangihuthon Jesus hian? Nunga disoadahon ho Sipaluahon ho.
Alai dung tiur ari, diboan ma Jesus tu bagas ni uluan ni angka Sintua ni Malim. Direhei nasida ma Ibana, jala ninna Sintua ni Malim i ma:
Sintua ni Malim: “Ho do Kristus i? Dok ma!” (Yesus hanya tertunduk)
Siboto Surat: “Didok halak on, ibana do Mesias, jala didok Ibana do Sipalua, godang dipamalum angka na marsahit!”
Sintua ni Malim: “Ho do Sipalua i?”
Yesus: “Songon na nidokmi ma...”
Sintua ni Malim: “Boan ma Ibana tu si Pilatus!”
(Serdadu mamboan Jesus tu jolo ni si Pilatus huhut dipukuli).
ADEGAN IV: YESUS DI HADAPAN PILATUS DO HOT HERODES
Narator: Ale ho sintua ni malim, ale ho sibotosurat, pola do hape rohamu mangalului salaho manguhumi Jesus? Hamu do na mangantusi Surat na Badia i, hape gabe hamu do na manguhumi Tuhan i? Dung sahat di adopan ni si Pilatus, dipabalik-balik angka sibotosurat ma hata asa hona uhum mate Jesus.
Siboto Surat: “Ale amang Uluan, didok halak on Raja do ibana, jala dilarang do mangalehon guguan tu Kaisar!”
Pilatus: “Ho do Raja ni halak Jahudi?”
Yesus: “Songon na nidokmi ma tutu.”
Pilatus: “Ndang adong jumpang ahu hasalahan di halak on. Boan ma ibana tu si Herodes, ai halak Galilea do Ibana, jala si Herodes do na manggomgomi huta i.”
Narator: Songon i ma nasida sai mangalului dalan panguhuman ni Jesus, alai ndang dapot salana. Dung sahat di adopan ni si Herodes:
Herodes: “Hahahahaha... Ho do Kristus i? Boasa so mangalusi Ho?” (Yesus hanya menunduk)
Siboto Surat 3: “Ale Raja, didok ibana do Mesias ibana, na boi pajongjong joro dibagasan tolu ari, jala didok ibana do Raja!”
Herodes: “Hahaha... Raja nimmu? On ma jubah kebesaranmu!” (Memasang kain/jubah leas jala patu tu Jesus) “Paulak ibana tu si Pilatus, ai panguhuman ni si Pilatus do on!”
ADEGAN V: YESUS DIVONIS HUKUMAN MATI
Narator: Dung dipaulak tu si Pilatus, dipapungu si Pilatus ma natorop i jala didok ma:
Pilatus: “Diboan hamu do halak on tu jolongku, sipabalik bangso didok hamu. Jala di jolomuna nunga hutangkasi, gabe ndang adong jumpang ahu sala di halak on. Si Herodes pe ndang jumpang salana. Dibahen i, lasahanku (cambuk) ma Ibana, asa pinalua.”
Natorop / Siboto Surat: “Parsilangkon ma Ibana! Palua di hami si Barabas! Parsilangkon Ibana! Parsilangkon Ibana!”
Pilatus: “Pungkuli jala cambuk ma Ibana!” (Menunjuk serdadu)
Narator: Jadi dipaputus si Pilatus ma hasasaut ni pinangido ni natorop i ala ni guntur ni huta i. Dipalua ma si Barabas na jahat i, ia Jesus dipasahat ma guru roha-roha ni natorop i jala diporsan silangna.
(Serdadu mamukuli Jesus jala mamasang sarung duri/sangsang duri di simanjujung-Na. Ruas marende sian BE. No. 81:2-3 "Aha ma Endehononku")
ADEGAN VI: JALAN SALIB (VIA DOLOROSA TO GOLGOTA)
Narator: Dung i, diboan ma Jesus tu dolok na margoar Golgota. Nunga pola dihutti be silang i... Loja nai, bernit nai, hansit nai na tinaon-Mi Tuhan ala ni dosangku.
(Jesus madabu na parjolo sahali / Jatuh I)
(Ruas marende BE. No. 78:1-2 "O Ulu na Sap Mudar")
Narator: Nunga be madabu Jesus i... Ndang be margogo Jesus manuhuk silang ala ni berat ni dosa ni portibi on. Di dia do ho angka sisean? Boasa tung tading Tuhan on sandiri? Dung diida serdadu ndang margogo be Jesus, ditiop nasida ma sahalak na ro sian ladang.
Serdadu 1: “Hehe ho! Ise goarmu?”
Simon Kirene: “Simon Kirene, Tuan.”
Serdadu 1: “Hutti silang on, porsan rap dohot Ibana!”
(Jesus mardalan rap dohot Simon Kirene, alai tong dope ditombari jala madabu muse / Jatuh II)
(Ruas marende BE. No. 86:1-2 "Batu Mamak di Au On")
Narator: Di pardalanan i, torop do angka parompuan na manangisi Jesus. Alai berpaling ma Jesus mandok:
Yesus: “Hai putri-putri Yerusalem, unang tangisi hamu Ahu, alai tangisi ma dirimuna dohot angka anakmuna!”
ADEGAN VII: YESUS PARSILANGKON (DI GOLGOTA)
Narator: Sahat ma nasida di dolok Golgota, lapatanna partangkurahan. Disi ma tangan ni Jesus na jotjot mamasu-masu i dipaku jala tarlabang, pat-Na na mardalan mamboan barita na uli nunga be tarlabang. Digantung ma Ibana di parsitangaan ni dua halak parjahat.
(Jesus dipalang di hau pinarsilang rap dohot dua parjahat)
Yesus (Tangiang I): “Ale Amang! Marpamuati ma roham mida nasida, ai ndang diboto nasida na binahennasida i.”
Sintua ni Malim: “Ia na asing dipalua, molo na tutu ia Kristus ni Debata, nian palua ma dirina!”
Jahat Kiri: “Ai ndada Kristus i Ho? Palua ma Ho dohot hami!”
Jahat Kanan: “Ndang dihabiari ho hape Debata? Hita hona uhum ala ni pambahenanta do, alai anggo Jolma on ndang adong na salah dibahen. Ale Tuhan Jesus, ingot ma ahu molo dung sahat Ho di Harajaon-Mi!”
Yesus (Tangiang II): “Situtu do hatangkon tu ho; sadari on do ho rap dohot Ahu di Paradaiso!”
Narator: Tumatangis ma angka parompuan ro di ina ni Jesus si Maria di toru ni silang i.
Yesus (Tangiang III): “Di ma inang Anakmi... Ndi ma inangmi.”
Yesus (Tangiang IV): “Mauas Ahu!” (Serdadu mangalehon asom marhite lili)
Yesus (Tangiang V): “Eli, Eli, lama sabakhtani?” (Ale Debatangku, Debatangku, boasa tung tadingkonon-Mu Ahu?)
ADEGAN VIII: YESUS MATI
Yesus (Tangiang VI): “Nunga Marujung!” (Sudah Selesai)
Narator: Nunga marujung ulaon haluaon i, jala marnida i, tabir ni Joro pe marbelah dua sian ginjang tu toru. Jala di na naeng mangalehon hosa-Na na piningpirit, mangido ma Jesus tu Ama-Na:
Yesus (Tangiang VII): “Ale Amang, tu bagasan tangan-Mu ma hupasahat tondingku (nyawa-Ku)!”
Narator: (Kepala Pasukan Romawi unduk jala mandok) "Tutu do Jolma on halak na tigor jala Anak ni Debata!" Saluhut natorop mulas mardongan andung jala mamungkul andora na be laho mangarimangi sude pambahenanna. Hita pe damang dainang, n nunga sahat hita tu pangantusion na bagas di holong-Na?
(Sude Ruas/Naposo mandungundung jala mangulahon Tangiang Panutup / Marende sian BE. No. 416:1-3 "Tangiang Panutup" / Rap mandok Tangiang Ale Amanami)
Posting Komentar untuk "Via Dolorosa: Narasi Jalan Salib Versi Bahasa Batak Toba"